Olu váhnemat leat vuorjašuvvan astoáiggefálaldagaid ja mánáidgárddiid borramušakvaliteahta dihte. Dan čájeha dutkan maid geavaheddjiidráđđi lea dahkan.
Váhnemat geaid mánát leat astoáiggefálaldagain ballet makkár kvaliteahtta lea borramušas maid sin mánát borret. Dutkamis boahtá ovdan ante lagabui bealli vuorjašuvvet. Juohke goalmmát váhnen, geas mánát leat mánáidgárddiin, vuorjašuvvá borramušakvaliteahta dihte.
Buorre borramuš addá eallinkvaliteahta ja buorre servodatekonomija
Geavaheddjiidráđi fágaráđđeaddi deattuha dehálašvuođa das maid mánáide guossoha.
– Dát ii leat doarvái buorre, go mii diehtit smávva rupmašat dárbbašit eallima, stoahkama ja oahpu. Boasttu borramušdilli áiggi badjel čuohcá mánáid dearvvašvuhtii ja ahtanuššamii.
– Mii vuordit ahte gielddat váldet sin ovddasvástádusa duođalaččat, ja addet dearvvaslaš ja máŋggabealálaš borramušfálaldaga. Dat lea buorre servodatekonomijai go mii gáhttet eallinvuogidávddaid, dadjá geavaheddjiidráđi fágaráđđeaddi Anne Kristin Vie preassadieđáhusas.
