-Almmuhus-
-Almmuhus-
OĐĐASAT Váhnemat meinejit ahte mánát boradit beare unnán skuvlaáiggis

Váhnemat meinejit ahte mánát boradit beare unnán skuvlaáiggis

-

-

 Juohke goalmmát váhnen meine ahte mánáin lea beare unnán áigi boradit skuvlaáiggis, boahtá ovdan iskkadeamis man Norstat lea čađahan eanandoalu čuvgehuskantuvrra ovddas.

Leat mánát geat mearridit makkár niesti galgá mielde skuvlii. 98 proseantta váhnemiin geat leat jearahallon lohket dán dehaleamosin go sii galget ordnet niestti mánáide, 91 proseantta váhnemiin meinejit maid ahte borramuš galgá dearvvašlaš.

– Lea vuorjašuhtti go juohke goalmmát váhnen meine ahte mánáin lea beare unnán áigi borrat niestti, lohká eanandoalu čuvgehuskantuvrra «Matpakkesatsing» prošeaktajođiheaddji  ja beaivválaš jođiheaddji Torunn Nordbø.

Iskkadeapmi čájeha maid ahte ain lea eadni gii dávjjit váldá ovddasvástádusa niestti ordnet mánnái, 72 proseantta lohket ahte lea eadni gii ordne eanemus, ja de boahtá áhčči (49 %) ja loahpas vel mánát (26 %).

Čuvgehuskantuvrra prošeakta «Matpakkesatsing» váldá álgovuođu das ahte niesti addá skuvlabeaivvi deháleamos energiija.

– Eanas váhnemat lohket ahte dainna ii ádján dahje ii leat váttis ráhkadit buori niestepáhka mánáide. «Dábáleamos» niestepáhkas leat rohkkaláibevajahasat main lea salamiija dahje vuostá, ja mas leat šattut dahje ruotnasat vel mielde. Mielki lea bivnnut, muhto čáhci lea bivnnuheamos jugus, lohká Nordbø. 

-Almmuhus-