Váhnenguorahallan čájeha ahte ovccis lohkásis leat duhtavaččat mánáidgárdefálaldagain. Váhnemat leat duđavaččamusat danin go vásihit ahte mánát leat oadjebasat ja ahte loktet mánáidgárddis.
93 proseantta váhnemiin leat duhtavaččat mánáidgárddiiguin, čájeha Oahpahusdirektoráhta 2021 váhnenguorahallan. Čájehuvvo maid ahte koronadilálašvuohta ii leat váikkuhan duhtavašvuhtii.
Váhnemat leat erenomáš duhtavaččat go vásihit ahte mánát leat oadjebasat ja ahte loktet mánáidgárddis. Viidáset čájeha guorahallan ahte juohke logát váhnen lea duhtameahttun borramušfálaldagain ja 16 proseantta ges oaivvildit ahte mánáidgárddiin leat menddo unnán bargit.
Diimmá váhnenguorahallan lea seamma dásis go 2019 guorahallan.
– Dál, go pandemiija lea mannamin lohppii, de leat oaidnán man dehálaš mánáidgárddit leat vai servodat doaibmá nu go galggašii. Danin lea dál dehálaš ražastit vai mánáin ja bargiin šaddá vel buoret dilli mánáidgárddis, dadjá máhttoministtar Tonje Brenna.
Norgga mánáidgárddiin leat birrasii 270 000 máná. (©NTB)
