Álbmotdearvvašvuođainstituhtta (FHI) meroštallá ahte Norggas lea 100 000 olbmos leamašan koronadávda.
Dál lea liikká olu njoammun servodagas go dat mii lei cuoŋománu.
– Dan rájes go pandemiija álggii, leat mii meroštallan ahte sullii 97 000 olbmos lea leamaš koronadávda, čállá FHI dan maŋemus pandemiija modellerenraporttas.
Muhto dan logu ektui lea eahpesihkarvuohta go eai buot njoammumat lea fuomášuvvon ja dieđihuvvon.
Dál leat badjelaš 34 700 registrerejuvvon njoammuma Norggas, FHI oaivvilda ahte sii lea 95 proseantta sihkkarat ahte leat leamaš gaskkal 86 000 ja 109 000 njoammuma dan rájes go pandemiija álggii.
Maŋimuš jándoris leat Norggas 551 ođđa koronavirus njoammuma, 17 eanet go ovddit jándoris. Dál leat buohcceviesuin 116 olbmo divššus koronavirusa geažil.
FHI lea maid meroštallan ahte Norggas bohtet lea sullii 1300 njoammuma beaivválaččat vahkku geahčen jus nu joatká. Dat leat sihke njoammumat mat dieđihuvvojit ja dat mat eai dieđihuvvo.
(©NTB)
