-Almmuhus-
-Almmuhus-
-Almmuhus-
KULTUVRAVaajmoe oaččui bálkkašumi

Vaajmoe oaččui bálkkašumi

-

-

 

Sii lávlot eallimii, dál ožžo bálkkašumi.

Såehkie 4 duhát ruoŧa ruvdnosaš nuoraidstipeanda addui odne Vaajmoe nuoraidkorii, oktanaga go koara almmuhii skearrustis Tráhppie sámi kulturviesus ja kafejas Upmis.

 

Lávlot eallimii

Sámi nuoraidkoarra bohciidii tragediijas. Dál dat lávlu eallimii. Sin ovddas geat leat vádjolan. Nannen dihte sin geat leat báhccán. Ja dovddu ja ilu ovddas mii lea go deaivvadit fárrolaga lávlut. Vaajmoe mearkkaša váibmu máttasámegillii, ja ásahuvvui sámi nuoraidsearvvi Sáminuora čoahkkimis 2010:s, reakšuvdnan tragediijalaš iešsoardimiidda, morrašii ja go dovde dárbbu váikkuhit dillái.

Vaajome lávlu eastadan dihte eanet iešsoardimiid, ja lea šaddan oadjebas foruman ja deaivvadanbáikin sámi nuoraide.

 – Lea dehálaš deaivvadit olbmuiguin geain lea seamma áddejupmi. Geat dovdet kultuvrra ja váttisvuođaid mat gávdnojit min kultuvrras ja servodagas, cealká koara.

 

– Čalmmustahttet nuoraid áššiid

 – Ubmejen Biejvieh nuoraidbálkkašupmi juhkko Vaajmoei, sin mávssolaš barggu ovddas go musihka bokte čalmmustahttet nuorra sámiid dehálaš áššiid. Vaajmoe lea šaddan sosiála deaivvadanbáikin, ja forum mii nanne identitehtabarggu ja eastada eahpedearvvašlašvuođa sámi nuoraid gaskkas. Vaajmoe čájeha dán áigge nuorra sámiid áŋgirvuođa, čállet Ubmejen Biejvieh ággan go Vaajmoei juhke bálkkašumi.

-Almmuhus-