Politiijat leat dutkamin UTV-lihkohisvuođa Guovdageainnus.
Lávvardaga diibmu 06.13 ožžo politiijat dieđu UTV-lihkohisvuođa birra Guovdageainnu suohkanis. Nuorra albmá jáhkket vuodján UTV.
– Nuorra almmái lea vuodján UTV. Son ii leat garrasit roasmmohuvvan, muhto lea dolvojuvvon dearvvašvuođaguovddážii iskosii. Politiijat leat dál sihkkarastimin guovllu ja mii leat dál ráhkadan ášši dáhpáhusas, nu go lea dábálaš go leamašan johtolatlihkohisvuohta mas olmmoš lea roasmmohuvvan, lohká Politiija operašuvdnajođiheaddji Ann Rigmor Søderholm.
Ann Rigmor Søderholm ii loga olus eambbo dieđuid mii galgá leat sivvan lihkohisvuhtii, muhto sii leat dál dutkamin ášši.
