-Almmuhus-
-Almmuhus-
-Almmuhus-
OĐĐASATUtøya-nuorat ožžo oađđinváttuid

Utøya-nuorat ožžo oađđinváttuid

-

-

Badjel bealli nuorain, geat cevze terrora mii deaividii Utøyas, ožžo oađđinváttuid.

52 proseantta sis geain cevze Utøyas vástidit ahte sis ledje oađđinváttut guokte jagi maŋŋel go terror deaividii, čájeha ođđa guorahallan.

Nuorat geat serve guorahallamii eai bártidan oađđinváttuin ovdal terrora. Sii muitalit ahte ođđe unnit, ledje váibasat beaivet, niegadedje fasttiid ja ahte gillájedje obstruktiiva oađđinapne dávddain.

 – Dát čájeha ahte hušša váikkuha oađđimii ja ahte olu Utøya nuorain gillájit eallimis oađđinváttuid geažil, lohká Mánáid ja nuoraid regiovdna gealboguovddáža (RKBU Vest) jođiheaddji Anne Marita Milde, guhte maiddái leamaš mielde čađaheamen dutkama.

 

Psyhkalaš dearvvašvuohta váikkuha

Dutkit gávnnahedje maiddái ahte sis geain lea psykalaš diagnosa bártidedje dávjjit oađđinváttuiguin go earát.

Dutkit oaivvildit danin ahte jus dikšu oađđinváttuid, de eai eastadivčče maiddái psyhkalaš váttuid.

42 nuora serve dutkamii man RKBU Vest ja Uni Research Helse čađahedje.

Ovdalaččas gávdno eanaš dušše diehtu dan birra mo oađđinváttut váikkuhit ollesolbmuide geat vásihit traumaid. Dán čállá NTB ođasdoaimmahat.

-Almmuhus-