-Almmuhus-
-Almmuhus-
SMÁVVAOĐĐASATUpmejes rahppo sámi ossodat dikšunruovttus

Upmejes rahppo sámi ossodat dikšunruovttus

-

-

Vuorraset sápmelaččat Upmejes leat sávvan sámi ossodaga fuolahan- ja dikšunruktui. Plána mielde galgá sámi ossodat rahppot 2023 giđa.

Diibmá sáddii vuorrasiidfuolahus jearahallaniskkadeami sámi vuorraset olbmuide. Iskkadeapmái serve logi olbmo. 90 proseanta vástádusain bođii ovdán ahte lea dehálaš ásahit spesiálaossodaga mas lea sámi fokus. 

– Vaikke eai lean gallis geat vástidedje iskkadeamis, de lea dá liikká juoga mii leamaš sávaldat guhká ja lea digaštallon ovttasráđálaččat gieldda ja vuorrasiidfuolahusa sápmelaččaiguin ja sámi gažaldagaid referánsajoavkkuin, dadjá Upmeje gieldda vuorrasiidlávdegotti jođiheaddji Carin Nilsson preassadieđáhusas.

Dehálaš seailluhit kultuvrralaš identitehta ja giela

Ossodaga biras galgá hábmejuvvot ovttas vuorrasiidfuolahusa minoritehtakoordináhtoriin ja vuorraset sápmelaččaiguin Upmejes. 

Upmeje gielda lea 2010 rájes leamaš sámi hálddašanguovlu.

-Almmuhus-