Ráđđehus vuoruha árrat fátmmastit mánáid ja ohppiid geat sáhttet gáhččat olggobeallái.
Sii fievrredit doaibmabijuid mat galget ovddidit kvalitehta ja gelbbolašvuođa mánáidgárddiin. Dat lea maid áigumuš ahte ekonomiija ii galgga caggat mánáid ja nuoraid searvamis doaimmaide. Dat lea evttohuvvon stádabušeahtas ahte skuvllaasttoáiggeortnet haddi vuosttaš ja nuppi luohkká ohppiide galgá mearriduvvot váhnemiid sisaboađus. Dat lea maid evttohuvvon ahte galgá leat áibbas nuvttá ohppiide 5.-7. luohkás geain leat erenoamáš dárbbut.
300 ruvnno eambbo
Mánáidoadju lea maid evttohuvvon lasihuvvot. Čakčamánu 1. beaivvi 2020:i rájes lea áigumuš lasihit mánáidoaju 300 ruvnnuin mánus. Dat lea sihkkarastin dihte váhnemiid ekonomiija geain leat smávva mánát.
Dat lea maid evttohuvvon álggahit geahččalanortnega mas mánát, geat leat badjel guhtta jagi, ožžot asttoáiggekoarttaid, mii addá vejolašvuođa searvat asttoáiggefálaldagaide.
Unnidit erohusaid
Stádabušeahtas lea biddjon deaddu ahte buorre čálgoortnegat galget unnidit erohusaid olbmuid gaska, ja galgá leat dehálaš addit juohkehažžii vejolašvuođa lihkostuvvat ja oažžut buori eallima beroškeahttá duogážis ja dearvvašvuođas.
