-Almmuhus-
-Almmuhus-
-Almmuhus-
OĐĐASAT– Unnit­logu álbmogiid vuoigat­vuođat leat hedjo­neamen 

– Unnit­logu álbmogiid vuoigat­vuođat leat hedjo­neamen 

-

-

Eurohpáráđđi váruha:

Eurohpáráđi unnitlogu álbmogiid ráđđeaddi orgána lea fuolas go sii leat vuohttán mo unnitlogu álbmogiid vejolašvuohta oasálastit stuorra servodagas olgguštuvvo vierroolbmobalu dihtii.

Eurohpáráđi unnitlogu álbmogiid ráđđeaddi orgána almmuhii sin guovtti jagáš 2018-2020 raportta skábmamánu 25. beaivvi. Dás váruha orgána ahte unnitlogu álbmogiid vuoigatvuođat leat hedjoneamen.

– Das gos sierramielalašvuohta lea ráhkaduvvon gaskal iešguđetlágan čearddalaš, kultuvrralaš, gielalaš dahje oskuvaš joavkkuid, njuolvuda demokratiija. Oassi unnitlogu álbmogiid vuoigatvuođaid birra fuolasmahttá duođaid, go dat áitá beassat ollásit Eurohpáservodahkii, lohká Eurohpáráđi unnitlogu álbmogiid ráđđeaddi orgána preassadieđáhusas. 

Ráđđeaddi lávdegoddi lea dán guovtti vássán jagis vuohttán mo nationalisttalaš, populisttalaš ja vierroolbmovašuheaddji  lihkadusat ja politihkalaš bellodagat leat ožžon coavcci Eurohpás. Nu vierroolbmovašuheaddji digaštallan «eanetlogu» namain geahččala sin eanet ráddjet. Maiddái vaššicealkámušat leat lassánan. Stuorra servodagain lea oppalaččat lágat ja formála struktuvrrat sajis mat addet unnitlogu áirasiidda saji oasálastit servodagas. Muhto leat olu hehttehusat mat gáržžidit daid vuoigatvuođaid. Raporta lohká ahte unnitlogu álbmogiid vuoigatvuođaid suddjemis lea buoridanmunni. 

-Almmuhus-