Dássážii leat 104 olbmo jápmán johtolagas, ná vuollin ii leamaš jápminlohku soađi rájes.
Guokte beaivvi ovdal go ođđa jahki rahpasa, de dieđihuvvo ahte oktiibuot 104 olbmo leat duššan johtolagas 2017:s.
Diimmá ektui lea lohku njiedjan 31 olbmuin.
Vaikke johtolat lea sakka lassánan, de eai leat ná unnán olbmot jápmán Norgga johtolagas soađi rájes.
Beliin unnon
NRK dieđuid mielde leat jápminlihkohisvuođat beliin unnon 2010 rájes.
– Buoret geainnut, buoret biillat ja jierbmát vuodjit eastalit lihkohisvuođaid, oaivvilda Stáhta geaidnodoaimmahaga geaidnodirektevra Terje Moe Gustavsen.
