-Almmuhus-
-Almmuhus-
-Almmuhus-
OĐĐASATUnnit minibáŋkkut

Unnit minibáŋkkut

-

-

Norgalaččain ii leat šat nu stuora dárbu viežžat báberruđaid minibáŋkkuin, danin jávká oassi minibáŋkkuin.

Norgalaččat geavahit minibáŋkkuid unnit, eai ge šat váldde nu olu ruđaid olggos go gávppašit buvddain.

Danin leat Norggas unnon minibáŋkkut.

DnB báŋkkus ledje jagi áigi 270 minibáŋkku, muhto dál leat dušše 188, čállá Klassekampen.

 

Čuovvolit olbmuid

2008:s ledje eanemus minibáŋkkut Norggas, dalle gávdnojedje 2283 minibáŋkku.

Dál lea lohku njiedjan 1950 minibáŋkui, čájehit Norges Bank dieđut.

– Dát logut čájehit ahte eanaš olbmot eai šat geavat báberruđaid, ja mii čuovvolat olbmuid vieruid, lohká DnB diehtojuohkindirektevra Even Westerveld.

 

Ii šat nuvttá

DnB mearragoahtá ođđa jagi rájes 10 ruvnnu divatmávssu go olmmoš váldá ruđaid olggos minibáŋkkus.

Dássážii leamaš nuvttá geavahit minibáŋkkuid.

Vaikke norgalaččain lea vejolašvuohta váldit olggos ruđaid buvddain, de ii leamaš dát nu bivnnut fálaldat.

2015:s válde norgalaččat olggos 90 miljovnna ruvnnu minibáŋkkuin, muhto dušše 19 miljovnna go gávppašedje buvddain, čállá NTB.

-Almmuhus-