-Almmuhus-
-Almmuhus-
-Almmuhus-
OĐĐASATUnnit mánát riegádit giliin 

Unnit mánát riegádit giliin 

-

-

Gili nissonolbmot leat guhkit áigge ožžon eambbo mánáid go gávpogiin, muhto maŋemuš jagiid lea dat lohku njiedjan.

Earret eará leat Romsa ja Finnmárku guhkit áigge lokten Našuvnnalaš riegádahttinstatistihka.

Muhto ii leat mearriduvvon ahte dás gávdná vástádusa maid ráđđehus lea ohcame, čállá Klassekampen aviisa.  

 

Finnmárku joksamin Oslo

Riegádahttinlogut leat liikká eanet njiedjan giliin go gávpogiin. Logi jagi dassái lei Finnmárku bajimusas riegádahttinstatistihkas. 

Muhto dál lea Finnmárku joksame Oslo mii lea vuolemusas statistihkas. 

Finnmárkkus lea dat lohku eanemusat njiedjan Romssa ja Agdera ektui. 

– Dál eai šát riegát liikká ollu mánát go ovdal leat dahkan suohkaniin ja fylkkain. Lei hui stuorra erohus ovdal, muhto dát logut leat unnon daid maŋemus áiggiid, dadjá Statistihkalaš guovddášdoaimmahaga seniordutki Astri Syse. 

Syse muitala maid ahte ágga dasa sáhttá leat ahte nissonolbmot háliidit váldit alitoahpu ja leat barggus ovdal go mánáid ožžot. 

 

-Almmuhus-