Redningsselskapet heavvanemiid statistihkka čájeha ahte suoidnemánu heavvanedje 12 olbmo. Dássážii leat heavvanan 27 olbmo Norggas.
Dabáláččat lea suoidnemánnu dat mánnu goas eanemus heavvanit Norggas, muhto dán jagi ii lean nu. Diibmá heavvanedje 18 olbmo suoidnemánus, ja 2018:s heavvanedje 17 olbmo. Sihke 2019:s ja 2018:s ledje bahkka geasit.
– Vaikko logut leat niedjan dán jagi, de lea juohke heavvaneapmi okta beare ollu. Mii fertet váruhit ja jurdilit bures go vánddardit jávrriid ja meara lahkosis. Mii fertet váruhit iežamet ja earáid, várrogasat vánddardit ja seammás maid leat realisttalaš iežas máhtu ektui, dadjá Redningsselskapet heavvananssuorggi hoavda Tanja Krangnes.
Golbma dain 12 heavvaneamis suoidnemánus dáhpáhuvve Romssas ja Finnmárkkus.
