-Almmuhus-
OĐĐASATUnnit givssidan­áššit dieđi­huvvon fylkka­mánniide

Unnit givssidan­áššit dieđi­huvvon fylkka­mánniide

-

-

Giđđat dieđihuvvojedje 590 ášši fylkkamánniide. Dat lea unnit go 2019 čavčča, dalle dieđihuvvo 731 ášši. Njiedjan sáhttá leat korona dihte. – Ii sáhte vuostálastit givssideami vaikke boahtá pandemiija. Sihke unna ja stuorra olbmot fertejit erenoamážit áicilat leat dasa ahte mii leat eambbo isolerejuvvon, dadjá oahppo- ja integrerenministtar Guri Melby.

Eanaš áššiin mat leat dieđihuvvon lea konklušuvdna leamaš ahte skuvllain leat rihkkon doaibmageatnegasvuođa eaige dahkan doarvái bisseheamis hárdima ja eará bahádaguid.

– Lea dohkketmeahttun ahte nu olu oahppit ja váhnemat vásihit ahte skuvllat eai bargga doarvái veahkehan dihte ohppiid geat eai vásit oadjebas ja buori skuvlaárgabeaivvi, dadjá Melby.

Melby vuorjašuvvá ohppiid dihte 

Váhnemat ja oahppit, geat oaivvildit skuvla ii bargga doarvái sihkkarastimis ahte lea oadjebas ja buorre skuvllas, sáhttet dieđihit ášši fylkkamánnii, maŋŋel go ášši lea váldon ovdan rektoriin. Dat giehtaguššanortnet galgá ohppiid sihkarvuođafierpmádat go skuvla ii atte oahppái jođánis dahje buori veahki. Ortnet galgá álki, jođán, ja eambbo geavaheaddjeheivehuvvon go ovdalaččas.

– Lea buorre go nu oallugat dovdet giehtaguššanortnega ja váldet oktavuođa fylkkamánniin. Mii vávjit ahte aŋkke leat alla logut, ja mii leat vuorjašuvvan ohppiid dihte geaidda guoská. Dat leat mánát ja nuorat geat eai vásit ahte lea oadjebas ja buorre skuvllas, dadjá Melby.

-Almmuhus-