Heajos girdifálaldat Finnmárkkus dahká ahte mátkeealáhusas ballet fitnodagaid reastaluvvamis.
Oarje-Finnmárkku guovlluráđđi oaivvilda ahte Finnmárku sáhttá massit olles mátkkoštanealáhusvuođu geasset go guovllus lea heajos njuolggogirdifáladat.
– Dál, go mis ii leat njuolggogirdi Osloi, nu movt mis láve sihke Girjonjárggas ja Álttás, de lea diehttelas ahte dat dagaha heajos váikkuhusaid min guvlui, dadjá Oarje-Finnmárkku guovlluráđi jođiheaddji Marianne Sivertsen Næss Nrk:i.
Son ballá ahte jus girdifálaldagat eai buorrán geassáin de mielddisbuktá dat ahte Finnmárkku fitnodagat heaittihuvvojit dahje reastaluvvet.
Sihke LO (Landsorganisasjonen i Norge), NHO (Næringslivets hovedorganisasjon), guovlluráđit ja fylkka ealáhussearvvit ja ealáhusguovddážat áigot ovttas buktit cealkámuša johtolatministarii, mas dieđihit ahte dat dilli lea dohkketmeahttun.
