Ođđa iskosat čájehit ahte ledje doaivumis eambbo go 10 proseantta biebmoluosat dan 15 čázádagas maid iske. Dat lea unnimus lohku mii lea leamaš, dan rájes go iskat álge 2014:s.
Ođđa iskosat čájehit ahte ledje doaivumis eambbo go 10 proseantta biebmoluosat dan 15 čázádagas maid iske. Dat lea unnimus lohku mii lea leamaš, dan rájes go iskat álge 2014:s.
– Diibmá ledje unnit biebmoluosat jogain, ja dasa sáhttá maid sivvan go eai beassan liikká olu luosat eret merddiin, lohká Vidar Wennevik NINA preassadieđáhusas.
Son lea biebmoluosaid gárgideami kártenprošeavtta prošeaktajođiheaddji.
Unnán biebmoluosat beassan
Guolástusdirektoráhtta oažžu raporttaid álo go biebmoluosat besset. Diibmá bese 15 000 biebmoluosa.
– Jus besset eambbo luosat fas de sáhttet boahttevaš jagiid eambbo luosat jogain lohká Wennevik.
Rašes nálit
Dán raporttas maid čujuhit ahte rievddada guovllus guvlui man olu biebmoluosat ain gávdnojit jogain.
Miehtá riikka leat jogat gos olu biebmoluosat, earret go Østfolda fylkkas.
Hardangervuona jogain leat eanemus biebmoluosat, muhto dat maid ii leat nu ahte Hardangervuonas leat eanemus báhtareamit.
– Dat sáhttá maid das vuolgit go dain jogain leat unnán guolit ovdalaččas, ja danne šaddá biebmoluossa-oassi stuorát go muđui livččii, čilge Wennevik.
