-Almmuhus-
OĐĐASATUnnán skuter­láhtut rabas

Unnán skuter­láhtut rabas

-

-

Sámi suohkaniin ovddeš Finnmárkkus leat muhtin skuterláhtut rabas, muhto stuora oassi lea ain gitta. 

Kárášjoga gielda lea rahpan vihtta skuterláhtu ja Guovdageaidnu fas golbma. Ollu guovlluin lea ain unnán muohta ja rašes jieŋat, vaikko lea jo ođđajagimánnu.

Kárášjogas lea láhttu 17 Badjenjárggas láhttu nummar vihtta Dákteroavvái rabas. Láhttu vihtta lea maid rabas Guovžilbohkái. Dasa lassin lea maid láhttu 18 Sávkadasmáđija bokte, Niitonjárgii ja viidásit Jeagilvármáđija orustansadjái rabas.  Láhttu guhtta lea maid belohahkii rabas, Kárášjoga šaldis Ráidesullui. 

– Mii ávžžuhit olbmuid čuovvut merkejuvvon láhtu joga alde, čállá gielda ruovttusiiddus.

Guovdageaidnu

Guovdageainnus leat golbma láhtu rabas, láhttu vihtta márkanis Nammajávrái, láhttu 14 mii vuolgá Ođđaniitoábis ja manná Ávževuopmái ja láhttu 16 Hánnojávrris Biedjovággái. 

Porsáŋgu ja Deatnu 

Porsáŋgu ja Deatnu eai leat vuos rahpan ovttage láhtu. 

Unjárga

Unjárggas lea láhttu guokte, Unjárláhttu, rabas Máttavárjohka bartaguovllu rádjái. 

-Almmuhus-