-Almmuhus-
-Almmuhus-
OĐĐASAT Unnán olbmot máhttet lohkat kártta ja kompássa

Unnán olbmot máhttet lohkat kártta ja kompássa

-

-

Dušše ovcci proseantta nissoniin oaivvildit sii máhttet kártta ja kompássa geavahit. 

Norsk Friluftsliv vuorjašuvvá go nu unnán gelbbolašvuohta lea olbmuin. 

Dehálaš máhttu

Kárta ja kompássat lea ávkkálaš neavvut luonddus. Ipsos Iskkadeapmi čájeha ahte olu norgalaččat eai hálddaš dán guokte neavvu.  46 proseantta, sihke dievddut ja nissonat, leat iskkadeamis vástidan ahte sii dušše veaháš máhttet dahje eai oba máhte ge geavahit kártta ja kompássa.

– Lea váivi go olbmot eai máhte orienteret luonddus Google Maps ja GPS haga. Ii leat dáhkiduvvon  ahte lea neahtta dahje báhtteris rávdnji go vánddarda luonddus, dadjá Norsk Friluftsliv generálačálli Siri Meland preassadieđáhusa bokte. 

Erohus nissoniin ja dievdduin

Iskkadeapmi čájeha maid stuorra sohkabealerohusa. 36 proseantta almmáiolbmuin dieđihit ahte sii bures hálddašit kártta ja kompássa, dan botta dušše ovcci proseantta nissoniin dahket dan seamma. Preassadieđáhusas Meland lohká ahte lihkus sáhttá máhtu ain skáhpot ollesolbmo agis. Son ávžžuha olbmuid luonddus fitnat hárjehallamin dahje searvat kurssaide.

-Almmuhus-