-Almmuhus-
-Almmuhus-
-Almmuhus-
OĐĐASATUnnán mikroplastihkka juhkančázis

Unnán mikroplastihkka juhkančázis

-

-

Norgga juhkančázis lea unnán mikroplastihkka, čájeha ođđa guorahallan man Norgga čáhcedutkaninstituhtta lea čađahan.

Oktiibuot leat iskan 24 čáhcerusttega. Álbmotdearvvašvuođainstituhtta lea árvvoštallan bohtosiid.

– Dálá gelbbolašvuođa vuođul eai galgga mihtiduvvon mikroplastihkkadásit váralažžan olbmo dearvvašvuhtii, lohká Álbmotdearvvašvuođa Susanne Hyllestad.

Norgga čáhci lea diŋgon guorahallama, ja sii leat duhtavaččat bohtosiin.

– Čáhcerusttegat dutkamii leat válljejuvvon nu ahte gávnnahit mikroplastihkkadási olu olbmuid juhkančázis. Dasa lassin leat válljen guorahallat čáhcerusttegiid main lea stuorra nuoskkidanvárra. Bohtosat leat buorit ođđasat buohkaide, dadjá Norgga čázi Toril Hofshagen preassadieđáhusas.  

 

-Almmuhus-