Diibmá ledje oktiibuot 565 riegádahttima Finnmárkku buohcceviesu riegádahttinossodagain. Dát lea 88 unnit máná go jagi ovdal.
Ođđa áiggis eai leat goassege leamaš ná unnán riegádahttimat Finnmárkkus go 2022:s. Riegádahttinlogut orrot de ain njiedjamin, nu boahtá ovdán preassadieđáhusas.
Hámmerfeastta buohcciviesus ledje 345 riegádahttima, mii lea 47 unnit go jagi ovdal. Girkonjárggas ledje 161 riegádahttima, mii lea 25 unnit go jagi ovdal ja Álttás ledje 59 riegádahttima mii lea 16 unnit go jagi ovdal.
Dát logut muitalit ahte Finnmárkkus leat riegádahttimat njiedjan 13,5 proseantan.
Vurdet ja rávásnuvvet
Eambbosat vurdet guhkit ovdal ožžot mánáid, mii dagaha ahte juohke nissonolmmoš riegádahttá unnit mánáid go ovdal.
Gaskamearálašahki nissonolbmuin geat riegádahttet lea maid rievdan. 2009:s ledje nissonolbmot gaskamearálaččat 28 jagi boarrásat go riegádahtte vuosttaš máná. 2021:s ges lea nissonolbmot 30,1 jagi boarrásat ovdal riegádahttet vuosttaš máná.
