-Almmuhus-
-Almmuhus-
-Almmuhus-
OĐĐASATUnnán bargguhisvuohta sis geain lea alit oahppu

Unnán bargguhisvuohta sis geain lea alit oahppu

-

-

Ođđa iskkus čájeha ahte bargguhisvuohta sin gaskkas geat válde mastergráda golmma jagi áiggi lea vuollin. Dušše 2,4 proseantta sis geat loahpahedje mastergráda 2016:s leat bargguheamet.

– Dat čájeha ahte leat buorit áiggit bargomárkanis sidjiide geain lea mastergráda, dadjá dutkan- ja alitoahppoministtar Iselin Nybø.

Raporta lea dahkkon Davviriikkalaš instituhtas ja geahččá gallis leat barggus sin gaskkas geat leat geargan mastergrádain 2016:s.

– Bargomárkan lei váttis go studeanttat gerge mastergrádain, earenomážit Lulli- ja Oarje-Norggas. Raporta čájeha ahte hástaleaddji álgu ii leat mearkkašan maidege eatnašiidda ja ahte lea unnán bargguhisvuohta, dadjá Nybø.

Unnán bargguhisvuohta, muhto oahppoduogáš addá erohusaid

Dutkan čájeha ahte lea obbalaččat unnán bargguhisvuohta masteroahppostudeanttain moadde jagi maŋŋel eksámena, muhto ahte oahppoduogáš addá earálágan álggu.

Sullii 4 proseantta realisttain, servodatdihttiin ja humanisttain lea bargguhisvuohta. Siviilainšenevrrain lea unnán bargguhisvuohta, vaikko lei heajos bargomárkan 2016:s, ja vaikko alit oassi ovdal dieđihii ahte leat leamašan bargguheamet gaskal 2016-19. Dál leat 2,5 proseantta siviilainšenevrrain bargguhisvuođas ja unnit go 1 proseantta láhkačehpiin ja siviilaekonomain leat bargguheamet.

-Almmuhus-