UNN lea mearridan bearjadaga ahte maŋidit čuohpademiid dárbbu mielde.
Bearjadaga 13.01.2020 lea Davvi-Norgga Universitehtabuohcciviessu jođihangoddi mearridan ahte maŋidit eanas operašuvnnaid, dikšumiid ja konsultašuvnnaid, dan čállet iežaset neahttasiidduin.
Heaggagádjun ja dárbbašlaš dikšun ferte vuoruhuvvot.
Buohcciviessu lea váldán oktavuođa pasieanttaiguin geaid operašuvnnat ja diimmut leat maŋiduvvon.
Dáid bálvalusaid ii oaččo dál:
– Operašuvnnat: Eanas operašuvnnat leat maŋiduvvon, muhtin operašuvnnat čađahuvvojit lihkká go leat dahkan medisiidnafágalaš árvvoštallama.
-Poliklinihkkalaš konsultašuvnnaid: Ollu diimmut maŋiduvvojit go leat dahkan medisiidnafágalaš árvvoštallama.
-Mammografiija-govven; Buot govvemat leat maŋiduvvon, dá lea iskan maid fállet Álttás.
Doppe gos varraiskosiid váldet UNN Romssas eai šat sáhte váldit vuostá pasieanttaid. Sierra dáhpedorbmin sáhttá váldit oktavuođa laboratoriain ja oažžut diimmu.
Buot UNN buohcciviesuide ii leat lohpi boahtit guossái ja dárkkistit geat besset sisa.
Dát besset sisa UNN buohcciviesuide
— Mielčuovvut besset sisa jus leat čuovvume pasieantta buohccivissui
—Jus dus lea mánná dahje kritihkalaš buohcci buohcciviesus de besset oapmahaččat sisa.
— Riegadahtinossodahki galgá leat ráddjejuvvon guossástallan.
— Sii geat besset sisa, galget mánnát njuolga dan ossodahkii gosa galget ja njuolga olggos fas.
