Vuossárgga čuovganeapmái bulii visti báikkis gosa lávejit doalvut boares biillaid.
Heahtebálvalusat ožžo dieđu buollima birra diibmu 00.45 vuossárgga čuovganeapmái. Báikkis gullojedje gássabohttalat cuovkaneame ja heahtebálvalus bijai 300 mehter sihkkarvuođasona.
– Báiki gosa dolvot boares biillaid lea industriijabáikkis gos lea oalle gaska lagamus stohpui, danne ii leat dárbu evakueret, dajai Finnmárkku politiijaguovllu operašuvdnajođiheaddji, Lars Rune Hagen, NTB:i sullii diibmu 01.30.
Sihke Unjárgga ja Deanu buollinčáskadeaddjit manne báikái, muhto doalahedje gaskka álggos.
– Sihkkarvuođasona guoská maiddái buollinčáskadeaddjiide. Sii doalahedje gaskka ja geahččaledje čáskadit buollima, dajai Finnmárkku 110-guovddáža váktajođiheaddji, Terje Olsen, sullii diibmu 3.
Viđa áiggi iđđes lei buollinčáskadeaddjiiguin dárkkistus ja politiijat heaittihedje sin barggu.
– Visti bulii gudnan ja mii álggahit ášši. Ii leat makkárge čalmmus sivva manne buolligođii, dadjá Hagen NTB:i.
(©NTB)