Unjárgga gielddas lea koronavirus duođaštuvvon ovtta olbmos , doavtterkantuvrra lea odne gitta.
Ikte, njukčamánu 16. beaivvi, oaččui gielddadoavttir dieđu ahte ovtta olbmos lea duođaštuvvon koronavirus. Dearvvašvuođabargit, geat leat leamašan oktavuođas suinna, leat dál errenáiggis. Ikte eahkedis dat Girkonjárga almmuhii ahte ovtta pasienttas lea duođaštuvvon koronavirus. Dalle eai vel muitalan gos olmmoš lea eret. Dál muitala Unjárgga sátnejođiheaddji dán olbmo Unjárgii gullevaš.
– Dál leat kártegoahtán gos ja geainna dievdu lea leamaš oktavuođas, čállá Unjárgga sátnejođiheaddji Knut Inge Store preassadieđáhusastis.
Muittuhus
Unjárgga gielda muittuha ahte olbmuin geain leat nuorvulágan dávdamearkkat dahje feber eai galgga boahtit doavtterkantuvrii. Jus lea doavtterdiibmu ja leat dovdomearkkat, de galgá čuojahit 116117.
