Unjárgga gielda lea ráhkadan turnusortnega buohccidivššáriidda, gos šaddet bargat 18 sotnabeaivvi ja 44 lávvordaga olles jagis. Gielda oaivvilda ortnet lea lobálaš.
Unjárgga gielda lea ráhkadan turnusortnega buohccidivššáriidda, gos šaddet bargat 18 sotnabeaivvi ja 44 lávvordaga olles jagis. Gielda oaivvilda ortnet lea lobálaš.
Unjárggas šaddet buohccidivššárat bargat 44 lávvordaga, ja 18 sotnabeaivvi jagis.
– Dat duolbmá Unjárgga buohccidivššáriid, lohká Elin Holmgren NRK:ii. Son lea Finnmárkku buohccidivššársearvvi jođiheaddji.
Ođđa ortnet lea boahtán go fágalihttu ii šaddan ovttaoaivilis suohkaniin turnusortnega birra.
– Norgga buohccidivššársearvvi miellahtut eai vuolláičállán ođđa bargošiehtadusa ovdal go ovdalaš juovllaid diibmá, go eai beassan geahččat šiehtadusa. Sidjiide bággehuvvui ođđa ja heajut turnusortnet, lohká Holmgren.
Oanehit ja eambbo bargobeaivvit
Ođđa turnusortnet addá buohccidivššáriidda oanehit bargobeivviid, ja eambbo bargobeivviid vai olahit olles bargoáiggi. Dál šaddet bargat 18 sotnabeaivvi ja 44 lávvordaga jagis, ovdal lávii 18, dahje 19 vahkkoloahppavuoru.
Holmgren oaivvilda Unjárgga suohkan bágge buohccidivššáriid ođđa turnusortnegiin. Olu buohccidivššárat áigot dál ohcagoahtit eará barggu.
Unjárgga gieldda bargiidhoavda Tom Haukland bealušta dan ođđa turnusortnega. Son lohká NRK:ii buohccidivššárat livčče oažžut buoret turnusortnega jus livčče miehtat gieldda vuosttaš árvalussii.
Unni Haug lea Unjárgga doaibmahoavda dearvvašvuođa ja fuolahusossodagas, čujuha rávvagiidda maid leat ožžon juristtain, ja son lea sihkar ahte ođđa ortnet lea lágaid siskkobealde. ©NTB
