Stipeandaortnet lea buohccidivššáriidda, sámegieloahpaheddjiide ja mánáidgárdeoahpaheddjiide.
Studenta sáhttá oažžut 50 000 ruvdnosaš stipeandda juohke skuvlajahkái. Deháleamos eaktu lea ahte áigu álgit dahje lea jo álgán ohppui mas dohkkehuvvo sámegielat mánáidgárde- dahje vuođđoskuvlaoahpaheaddjin. Seamma eaktu guoská buohccidivššáriidda.
Ruhtadoarjja máksojuvvo maŋŋel go lohkanbadji lea čađahuvvon. Studeanta šaddá čatnat iežas Unjárgga gildii, nappo čadnojuvvo ovtta jahkái maŋŋá ollesáigge oahpu geargama.
– Jus čatnanáigi dahje oahppovázzin gaskkalduvvo, de gielda sáhttá gáibidit ahte stipeanda máksojuvvo ruovttoluotta, dieđiha gielda.