Prošeavttas gaskkal UiT, Oulu ja Luleå universitehtaid leat geahččalan gávnnahit mo eretfárrema davviguovlluin sáhttá bissehit.
UiT Norgga árktalaš universitehta ovttasbargá Luleå ja Oulu universitehtain ođđa prošeavttas. Ulbmiliin prošeavttain lea dahkat davviriikkalaš bargomárkana geasuheaddjin olbmuide geain lea alitoahppu, ja seammás oažžut olbmuid fárret ruovttoluotta.
Academic (Un)employment and Mobility in the Arctic North – A Joint Socially Responsible Approach prošeakta galgá ovdánahttit akademalaš ja bargorelatiiva sirddašeami Davvi-Suomas, Davvi-Ruoŧas ja Davvi-Norggas.
– Universitehtain leat golbma miššovnna; oahpaheapmi, dutkan ja servodatáŋgiruššan, mat heaŋgájit čoahkis. Dát prošeakta guoská servodatáŋgiruššamii, lohká UiT stádadieđa professor, Rasmus Bertelsen, gii lea mielde prošeavttas.
– Davviriikkalaš universitehtat berrejit doaibmat dego trampoliinnat, mat loktejit studeanttaid máilbmái, muhto maiddái váldet sin vuostá go háliidit ruoktot, ja dahkat geasuheaddjin sidjiide boahtit ruovttoluotta, lohká son.
