-Almmuhus-
-Almmuhus-
SMÁVVAOĐĐASATUniversitehtat ja allaskuvllat ožžot 50 miljovnna kruvnna

Universitehtat ja allaskuvllat ožžot 50 miljovnna kruvnna

Journalista

-

-

Stuorámus hehttehussan oažžut doarvái dearvvašvuođabargiid leat váilevaš hárjehusbargosajit. Danin juohká dál ráđđehus ruđaid mat gokčet mátke- ja orrunsadjegoluide studeanttaide geat ožžot hárjehussaji guhkkin eret oahpahusbáikkis. 

17 universitehta ja allaskuvla ožžot 50 miljovnna kruvnna vai lasihit hárjehusbargosajiid dearvvaš- ja sosiálafágaoahpahusain. NTNU, UiT – Norgga árktalaš universitehta, Vestlandet allaskuvla ja VID dieđalaš allaskuvlla Oslos ožžot eanemus ruđaid.  

– Mii fertet váldit olles riikka atnui hárjehusbargosadjin. Ráđđehus lea ásahan eanet oahpposajiid, muhto dasa gáibiduvvojit eanet hárjehusbargosajit. Jagi 2022 juolludat njuolgga doarjaga oahpahusásahusaide vai lea álkit studeanttaide oažžut hárjehusbargosaji. Lea buorre ođas gielddaide ja birrasii 3500 studentii geat ožžot doarjaga hárjehusbargosadjái, lohká dutkan- ja alitoahppooahpahusministtar Ola Borten Moe preassadieđáhusas.  

Dát 50 miljovnna juolludeapmi bođii reviderejuvvon nationalabušeahtas 2022. Dát universitehtat ja allaskuvllat leat juo ožžon ruđa. Ráđđehus lea juo ovdal juolludan ruđa 300 ođđa buohccidivššár- ja spesialistabuohccidivššároahpahussii ja dáhtton daid universitehtaid ja allaskuvllaid ásahit velá 200 oahpposaji. 

-Almmuhus-