UiT Norgga árktalaš universitehta lágida Helmer Hanssen nammasaš dutkanskiippas dutkan- ja oahpahusmátki Riehpovuonas gaskal cuoŋománu goalmmát ja guđát beaivvi.
Lea geodieđalaš instituhta dutkit ja studeanttat geat čađahit dán mátkki mii bistá golbma beaivvi. Ulbmil matkkiin lea vuođđodutkan ja oahpahus. Dán golmma beaivvis vižžet mearrabotnis iskosiid geahččan dihtii makkár kemihkalaš čoahkkádus das lea, vai besset oaidnit mo molssaevttolaš 1970-logu mearranuoskkideapmi lea váikkuhan vutnii.
Leat 17 dutki, inšenevrrat ja studeanttat geat oassálastet dán mátkkis, mii lea pilohtadutkkus Instituhtas. Ulbmil lea áiggi mielde álggahit ođđa dutkanprošeavttaid dán mátkki iskkusbohtosiiguin. Bohtosat galget gárvánit čakčageasi ja plána lea almmuhit daid muhtin rabas fágaáigečállagis, vai eará dutkit sáhttet dan árvvoštallat. Dan čállá UiT Norgga árktalaš universitehta gulahallanneavvu Tomas Rolland preassadieđáhusas.
