Dán jagi lea ođđa olahus studeanttalogus UiT Norges arktiske universitehtas, Romssas.
Dán jagi lea ođđa olahus studeanttalogus UiT Norges arktiske universitehtas, Romssas.
Eai goassege ovdal leat ná ollu studeanttat ožžon saji UiT:i, Norges arktiske universitehtii go dán jagi.
5989 ohcci leat ožžon fálaldaga skuvlii, čájehit logut oktasaš sisaváldimis. Diimmá rájes lea lohku lassánan 15 proseanttain.
– Lea hui buorre go studeanttat gávdnet UiT bivnnuhin. Mun sávan buohkat geat leat ožžon oahppofálaldaga váldet dán vejolašvuođa studeret Davvi-Norggas, dadjá UiT rektor Anne Husebekk.
Olu studiebáikkit
Logut čájehit ahte UiT lea bivnnuhis studerenbáiki miehtá Davvi-Norgga. Maŋŋel ovttastahttimiin Narviika ja Harstad allaskuvllain, de fállá UiT studiobáikki Mo i Ranas, Bådådjos, Narviikkas, Harstadas, Romssas, Beardus, Hámmárfeasttas, Álttás, Kirkonjárggas ja Longyearbyenis.
Fárrejit davás
Logut čájehit maid ahte leat 2178 olbmo lulábealde Nordlándda geat dán jagi leat ohcan saji UiT:i. Dat čájeha ahte maiddái dán jagi leat oallugat mat háliidit fárret davás gazzat oahppu.
– Gazzat oahppu davvi-Norggas addá lulli olbmuide buori fágalaš fálaldaga ja máhttu Davvi-Norgii, muitala rektor Husebekk.
Eambbo fállan
UiT lea fállan dán jagi eambbo oahpposajiid, earret eará servodatplánen ja áddejumis, bioteknologiijas, servodatekonomiijas, praktihkalaš prošeavttajođiheamis, neahttahuksemis, masteroahpu oahpaheddjiin viđát gitta logát ceahkkái, oaggun- ja mearradoallodieđa ja mánáidgárddeoahpaheaddji oahpus.