UiT Norgga árktalaš universitehta ja dutkaninstituhtta NORCE galgaba ovttasbargat eambbo váikkuhit nanaguoddevaš šaddui ja ovdáneapmái, ja galgá leat erenomáš deaddu davviguovlluide.
UiT:s ja NORCE:s lea oktasaš ambišuvdna váikkuhit nuppástussii ja ođđaráhkadeapmái ealáhusas ja almmolaš sektoris. Šiehtadus mii dál lea álggahuvvon galgá váikkuhit lassánan ovttasbargui dutkama ja dutkanvuođđuduvvon innovašuvdnii, ja galgá ráhkadit eanet vejolašvuođaid gelbbolašvuođa geavaheapmái fagasurggiid rastá.
– Mii davvin leat ovttasbargan UiT:in 40 jagi, muhto ovttastumi ja NORCE ásaheami maŋŋel deaivat mii UiT stuorát sajis, ja dat rahpá vejolašvuođaid ovttasbargui stuorát áŋgiruššamiin dego ođđa «missions», EU-prošeavttaide ja guovddášortnegiidda ođasmahtti dutkanjođihuvvon innovašuvnnas, dadjá Rune Storvold, ossodatjođiheaddji dárkunvuogádagaide ja regiovdnavásttolaš NORCE:s Davvi-Norggas.
