Sihke Norggas ja Austrálias leat álgoálbmogat, ja danin árvvoštallá UiT Norgga árktalaš universitehta ovttasbargagoahtit Melbourne universitehtain.
Sihke Norggas ja Austrálias leat álgoálbmogat, ja danin árvvoštallá UiT Norgga árktalaš universitehta ovttasbargagoahtit Melbourne universitehtain.
Ovttasbargu galggašii čalmmustahttit álgoálbmot-áššiid.
UiT poastadoavttir Bodil Hansen Blix dutká sápmelaččaid dearvvašvuođa- ja fuolahusbálvalusaid, ja son dadjá ahte ovttasbargu livččii ávkkálaš go sápmelaččain ja aborigiinnain leat seamma hástalusat.
– Norgga ja Austrália álgoálbmogiid dilis oaidnit sihke ovttaláganvuođaid ja stuora erohusaid. Dearvvašvuođa- ja fuolahusbálvalusat eai ruhtaduvvo ja organiserejuvvo ovttaládje, ja dát dáidá váikkuhit dasa makkár fálaldagaid riikkat addet álgoálbmogiidda. Ovttasbarggu bokte beasašeimmet juogadit dieđuid ja dutkamiid, muhto oččošeimmet maid vejolašvuođa čađahit oktasaš dutkamiid, dadjá Blix universitehta neahttasiidui.
