Jillen-Njaarke orohaga diggi Oljo- ja energiijadepartemeantta (OED), Øyfjellet Wind ja Eolus Vind Holding AS vuostá álggii vuossárgga. Diggi bistá njeallje beaivvi.
Vuossárggas duorastahkii dán vahkus meannuda Oslo byfogdembete gáibádusa bidjat gaskaboddosaš lasáhusa ahte bissehit Øyfjellet bieggamilluid huksema. Lea Jillen-Njaarke orohat mii lea vuolggahan ášši Oljo- ja energiijadepartemeantta (OED), Øyfjellet Wind ja Eolus Vind Holding AS vuostá.
Øyfjellet Vind lea ožžon konsešuvnna hukset bieggamillopárkka gosa 75 bieggamillo galget hukset. Fitnodat Eolus Vind lea dálvet ásahišgoahtán geainnuid guvlui gos Jillen-Njaarke orohat johtá giđđaorohahkii. Motvind Norge ja Jillen-Njaarke orohat leat vuolggahan ášši dan vuođul go oaivvildit ahte Eolus Vind fitnodat ja stáhta leat rihkkon vuođđđulaga paragráfa 108 ja paragráfa 112.