Olgoriikkadirektoráhtta áigu leat gearggus jus ođđasit dorvoohccit boahtigohtet Ruošša bokte, ja danne háliidit doalahit gearggusvuođačovdosa Vestleairras Girkonjárggas.
Olgoriikkadirektoráhtta áigu leat gearggus jus ođđasit dorvoohccit boahtigohtet Ruošša bokte, ja danne háliidit doalahit gearggusvuođačovdosa Vestleairras Girkonjárggas.
Skábmamánu 15. beaivvi nogai UDI ja Hero dustehaga doaibmašiehtadus.
– UDI háliida doalahit gearggusvuođadoaimma Finnmárkkus maŋŋel ođđajagi maid. Jus álget fas boahtit dorvoohccit ráji rastá, de galget leat gergosat dustet sin. Makkár čovdosa gávdnet eai dieđe vel, muitala UDI preassaráđđeaddi Vibeke Schjem NRKii.
Hero doalaha dál golbma bargi geat dollet dustehaga «liekkasin», muhto UDI lea bargame oažžut sadjái bissovaš gearggusvuođačovdosa guovvamánu 1. beaivvi rájes.
Guoros vuostáiváldimis
Geassemánu 26. beaivvi rájes ii leat okta ge dorvoohcci leamaš vuostáiváldinguovddážis Finnmárkkus, dieđiha guovddáža jođiheaddji Kent Richard Witzøe.
– Čakčat gal lei measta ahte bohte dorvoohccit, muhto rájis nagodedje bissehit dorvoohcciid ja sáddet sin ruovttoluotta ovdal go besse ráji rastá, muitala son.
Birrasii 5500 migránta bohte Norgii Ruošša bokte 2015:s. Eatnasat bohte sihkkeliiguin. Eai boahtán šat nu ollu dorvoohccit go Norga ja Ruošša sohpe rievdadit dokumeanttaid maid dorvoohccit ožžo Norgga eiseválddiin. (©NTB)
