Norgga davimus guovlluin muohttá dán vahkkoloahpa nu sákka ahte dagaha mearkkašahtti uđasvára.
Norgga davimus guovlluin muohttá dán vahkkoloahpa nu sákka ahte dagaha mearkkašahtti uđasvára.
Muohtauđasdieđihan-bálvalus vuordá dán vahkkoloahpa muohttit lagabui 60 sentte bearjadagas sotnabeaivái, Davvi-Norggas.
– Uđasvárra lea gitta das man olu muohttá ja mo muohta mii lea jo eatnan alde reagere dasa go muohttá ja muohta lossu. Dál go buolaš lea leamaš de leat šaddan hearkkes muohtadásit mat sáhttet lihkastit, lohká Karsten Müller Muohtauđasdieđihan-bálvalusas.
Álttás mearkkašahtti uđasvárra
Otnážii leat dieđihan 3. dási uđasvára Gáivutnii ja Áltái, mii mearkkaša ahte lea mearkkašahtti várra. Muđuid Davvi-Norgii dieđihit otne leat 2. dási uđasvára.
Uđasvára juhket njealji dássái.
Ihttážii dieđihit Gáivutnii, Tromsii, Báhccavutnii ja Ivgui 3. dási uđasvára. Muđuid dieđihit Davvi-Norggas leat 2. dási uđasvára ihttin.
Eanet dieđuid gávnnat dáppe.
