Olu báikkiin Romssas ja Finnmárkkus lea mearkkašahtti uđasvárra, ja eahkedii čavgá dálki.
Varsom.no neahttasiidduin dieđihit uđasvára olu báikkiin Romssas ja Finnmárkkus. Sihke Finnmárkkurittus, Oarje-Finnmárkkus, Romssas ja Ivguvuonas lea uđasvárra goalmmát ceahkis, mii mearkkaša mearkkašahtti uđasvárra.
Luottat gitta
Stáda luoddadoaimmahaga neahttasiidduin dieđihit duoddariid badjel ja mearragáttiin sáhttit šaddat váttisin vuodjit. Earret eará luodda Nuovasmuotkis, luodda gaskkal Romssa ja Gárgána, luodda gaskkal Skárfavági ja Nordkáhpa, luodda gaskkal Várggáha ja Čáhcesullo, luodda gaskkal Muorrala ja Ávanuori leat gitta justte dál, ja olu báikkiin lea ráidovuodjin.
