Dat addá eanet rivttiid sidjiide geat hálddašit meänkieli.
Ruoŧa ráđđehus lea mearridan ahte Ubmi galgá šaddat meänkieli hálddašanguovlun. Dáinna lágiin Ubmi suohkanis stuorru ovddasvástádus nationála minoritehtaide, go ovdalaččas lea Ubmi sihke sáme- ja suomagiela hálddašanguovlu.
Reviderejuvvon láhka nationálalaš minoritehtaide ja minoritehtagielaide Ruoŧas doaibmagođii 1. beaivvi, dán jagi ođđajagemánus. Dál leat 66 suohkana suomagiela hálddašanguovlun, 25 suohkana sámegiela hálddašanguovlun ja dál ovcci suohkana mat leat meänkieli hálddašanguovlun, čállá Ubmi suohkan preassadieđáhusas.
