-Almmuhus-
-Almmuhus-
-Almmuhus-
OĐĐASATTV3 šállošii

TV3 šállošii

-

-

Sámediggeráđđi lea duhtavaš maŋŋel čoahkkima TV3:š kanálain. Buvttadeaddjit leat šállošan govva- ja luohtegeavaheami mii govvidii sápmelaččaid heittogin.

Golmma vahkku áigi hárddii TV3:š sápmelaččaid. Paradise hotel prográmmas geavahedje oainnat sámiin gova ja čuodjaledje luođi go muhtin oasseváldiin muitalii guhtemuš su gilvaleddjiin leat heajumusat.

 

Čoahkkinastán

Sámediggeráđđi Ann-Mari Thomassen lea odne čoahkkinastán TV3:š kanálain, ja son lohká čoahkkima leamaš ávkkálažžan.

 – Mis lei buorre ságastallan ja TV3:š lea šállošan govva- ja luohtegeavaheami mii assosierii sámiid negatiivalaččat. Mii leat movttegat go TV-kanála bivdá ándagassii, lohká Thomassen Sámedikki Facebook siidui.

 

Maŋisboahtti ja luohtedutki mielde

Gulahallančoahkkimis oasálasttii maiddái Romssa universitehta rasismadutki Ketil Lenert Hansen, son lei mielde danin go lea maŋisboahtti sápmelaččain geat leat govas mii geavahuvvui TV-ráiddus. Dasa lassin lei luohtedahkki Elen Inga Eira Sara mielde čoahkkimis. Son lei sakka hárbman go TV3:š geavahii su bártni luođi ja lea muitalan Ávvirii ahte buvttadeddjiid dáhku ii leat dohkálaš.

 

Áddejit duođalašvuođa

Ávvir lea geahččalan oažžut sámediggeráđi Ann-Mari Thomassen ságaide, muhto son ii leat olámuttos telefuvnna bokte. Sámedikki Facebook siidui muitala ahte TV-kanála orro áddemin duođalašvuođa.

 – Mii jáhkkit ahte TV3 ádde man duođalaš dáhpáhus lea ja jáhkkán sin bisánit áiggil nuppes, lohká son.

-Almmuhus-