TV-akšuvdna čokkii olles 217,7 miljovnna ruvnno UNICEF bargui veahkehit oahpu addit mánáide geat leat vásihan soađi ja soahpameahttunvuođa. Norgga fylkkain attii Finnmárkku njealjádin eanemus ruđa ássiidlogu vuođul, bajimusas Finnmárkkus lei Ákŋoluovtta gieldda, ja vuolimuš lei Guovdageaidnu gielda.
TV-akšuvdna čokkii olles 217,7 miljovnna ruvnno UNICEF bargui veahkehit oahpu addit mánáide geat leat vásihan soađi ja soahpameahttunvuođa. Norgga fylkkain attii Finnmárkku njealjádin eanemus ruđa ássiidlogu vuođul, bajimusas Finnmárkkus lei Ákŋoluovtta gieldda, ja vuolimuš lei Guovdageaidnu gielda.
– Mun lean nu ilus ja njuorasmuvvan. Ovttas galgat sihkkarastit skuvlavázzima badjel 470 000 mánnái, muitala UNICEF váldočálli Camilla Viken blimed.no neahttasiiddui.
100 000 olbmo vázze uvssas uksii
Olles Norggas rahpe ruhtaburssa ja váimmu TV-akšuvdnii golggotmánu 22. beaivvi.
100 000 ruhtačoaggi vázze dán jagáš deháleamos sotnabeaimátkki ja skoalkkuhedje uvssaide olles riikkas sihkkarastin dihte skuvlla Syria, Lulli-Sudana, Pakistána, Colombia ja Mali mánáide.
Skuvllat čoaggán olu ruđa
Olles riikka skuvllat leat lágidan skuvllaviehkamiid, ráhkadan váffeliid, láibon ja vuovdán tevnnegiid ja čoaggán olles 8.1 miljovnna ruvnno. Maiddái P3-akšuvdna barggai garrasit ja ollašuhtii ođđa olahusa go čogge 6,26 miljovnna NRK TV-akšuvdnii UNICEF ovddas.
– Mun lean nu ilus ja njuorasmuvvan go oainnán mo olles riika mobilisere juohke jagi dagahit máilmmi buoret sadjin, ovttain akšuvnnain hávális. Juohke báikkis ja gávpogis leat stuorrát ja smávvát, nuorat ja boarrásat bargan joavkkus ja ovttas ja leat leamaš mielde ollašuhttimin mánáid niegu, mii lea ráhkadit buoret boahtteáiggi iežaset ja sin riikka ovddas. Olles Norga oassálasttii veahkkebarggus ja dahket heaggadehálaš erohusa mánáide geat ellet soađis ja soahpameahttunvuođas, muitala TV-akšuvnna jođiheaddji Vibecke Østby.
Sáhtát dáppe geahččat buot statistihkaid, ja geahččat gos leat addán eanemus ruđa.
