– Turistavearru boahtá rášudit meahcástallama

­Norgga Meahcástallansearvi ballá dat buktá eambbo olggosgoluid meahcástallama ektui, ja váruha dat váikkuha olgoáibmodoaimmaid. 

– Friddja meahccevánddardeapmi lea okta dáin deháleamos ákkain manin sihke norgalaččat ja olgoriikalaččat vánddardit Norgga luonddus. Dát vuođđojurdda ii galggašii rievdat, muitala Norgga Meahcástallansearvvi generálačálli Lasse Heimdal.

“Bohčit gusa”

Meahcástallanorganisašuvnnaid goavdeorganisašuvdna oaivvilda olu suohkanat háliidit “bohčit gusa, muhte eai biebmát dan”. Sii maid oaivvildit ahte mátkeealáhus ii leat okta olggosgollu, muhte baicca stuora dienas norgga suohkaniidda, stádii ja maid mátkkeeallinoassálastiide.

Norgalaččat mákset

– Dat moadde olggosgoloža maid mátkkeeallin ja meahcástallan mielddisbuktá leat unnán dietnasa ektui mii boahtá mátkkeealáhusas ja meahcástallamis, ja dat dienas galggašii nagodit gokčat olggosgoluid. Mii fertet maid bidjat muitui ahte vearut bohtet maid váikkuhit norgalaččaid geat háliidit meahcástallat Norggas, muitala Heimdal.

Buohkaidriekt

– Buohkaidriekti sihkkaraste nuvttá vánddardeami norgga meahcis ja luonddus. Dat riekti lea leamašan ánus guhkit áigge, mihá ovdal go dat bođi láhki 60 jagi áige, 1957:as. Friddja ja nuvttá mátkkošteapmi lea okta dain vuođđoosiin norgga kultuvrras, ja lea dehálaš oassi min oktasaš ovdduin, oaivvilda Heimdal.

Rievidit fridjavuođa

– Mii oaidnit go dán friijavuođa vigget jahkásaččat rievdadit ja vigget ásahit mátkkoštan vearuid. Guhkit áigái boahtá dat unnidit oallugiid luondduvásáhusaid ja orrot dego sáddeme heajos signálaid álbmotdearvvašvuhtii ja rumašlaš doaimmaide. Mii eat ábut váldit mávssu das go olbmot háliidit lihkadit. Soaitá vel leat eambbo lunddolaš bálkášit sin geat vulget meahcástallat ja nu bissut lášmadin? muitala Heimdal.