-Almmuhus-
OĐĐASAT Turistaservviid duottarbarttat giddejuvvon sihke Ruoŧas ja Norggas

Turistaservviid duottarbarttat giddejuvvon sihke Ruoŧas ja Norggas

-

-

Ruoŧa ja Norgga turistasearvvit lea mearridan giddet buot barttaid duoddaris eastadan dihte koronadávdda. 

Ruoŧa turistasearvvis STF leat 44 bartta duoddaris maid giddejit maŋemus beaivvi njukčamánus. Sivva dasa lea ahte sii eai hálit dagahit ahte olbmot buohccájit duoddaris go de šaddá lassi bargu dikšun- ja gádjunvehkii. 

Maiddái Norgga turistasearvi DNT  lea gidden buot barttaid, nu čállet iežaset neahttasiiddus. 

– Dat lea váivi dieđusge, muhto dat lea dat áidna riekta. DNT veahkeha maid eastadit njoammuma ja suddjet daid hearkkimusaid, dadjá generalčálli  DNT:s  Dag Terje Solvang. 

Muhto son ávžžuha olbmuid mannat unna tuvrražiidda lundui. 

– Min leat lihkolaččat geat orrut Norggas. Dáppe mis lea lahka lundui ja dat lea álo rabas. Dat geat sáhttet galget mannat tuvrii lahkosis, dat dahká buori buohkaide, dadjá Solvang. 

- Advertisement -
-Almmuhus-