Amerihká presideanta Donald Trump lea dohkkehan hukset «Keystone XL» ja «Dakota Access» oljobohcciid.
Barack Obama bissehii 2015:s «Keystone XL» prošeavtta, mii lei plánejuvvon mannat Kanadas Amerihkkái. Dál lea presideanta Trump rievdadan mearrádusa.
«Dakota Access» oljobohccehuksen maid bissehuvvui juovlamánus go eamiálbmogat ja luondduberošteaddjit garrasit vuosttaldedje huksema.
Trump vuolláičáli disdaga ođđa presideantagohččuma mainna boktá fas dáid prošeavttaid, muhto son deattuha ahte «Keystone XL» eavttut sáhttet ođđasit šiehtadallojuvvot. (©NTB)
