Son vuittii golli ja silbba Norggameasttirgilvvuin, ja dál son galgá ovddastit Norgga leairaduvvábáhčingilvvuin.
Son vuittii golli ja silbba Norggameasttirgilvvuin, ja dál son galgá ovddastit Norgga leairaduvvábáhčingilvvuin.
Triumf lea ovdal juo leamašan Norgga riikajoavkkus, ja maid vuoitán Norggameasttirgilvvuid, ja maid Skandinavia riikkaidgaskasaš leairaduvvábáhčingilvvuin.
Mannan vahkkoloahpa son faskii golli ja silbba Norgga Measttirgilvvuin, ja dainna beasai ge Norgga riikajovkui fas.
– Lulli-Ruoŧas, lahka Malmø gávpoga lea dán jagáš Skandinavia measttirgilvu borgemánu álggus. Mun lean doppe akto sápmelaš, čállá son Ávvirii Messenger bokte.
(Ášši joatká gova vulobeale)
Govven: Inga marie Guttorm (vuorkágovva)
Geassádan
Nubbi sápmelaš, Roger Strømeng, gii maid lea leamašan maŋemus vihtta jagi ovddastan Norgga leairaduvvábáhčingilvvuin, ii áiggo dán jagi leat mielde riikajoavkkus.
Son oaččui maid fálaldaga leat riikajoavkkus, muhto celkkii eret dan saji.
– Mun vuoruhan ođđa viesu ja garaše dán jagi, nu ahte mun in de astta leat mielde riikajoavkkus. Lean maid veahá dolkan, nu ahte šadda buorre dán jagi vuoruhit eará diŋggaid go báhčit, lohká son.
– Muhto boahtte jagi lean fas gearggus gilvalit beassat riikajovkui, lohpida son.
