Vuosttaščájáhus lea boahtte čavčča.
Beakkán komihkar Billavuonas eret, Trine Lise Olsen, duođašta Facebook siiddus ahte son lea okta dain logi beakkálmasain geat galget leat mielde dán jagáš 71 grader nord kjendis prográmmas.
– In ádde masa lean searvame dál, čállá komihkar iežas Facebook siiddus.
Eará beakkálmasat geat maid servet ja gilvalit oažžumis Norgga čaffadeamos árvonama leat komihkar Vegard Ylvisåker, doavttir Kaveh Rashidi, journalista Line Andersen, influencer Fetisha Williams, ovddeš luistejeaddji Ida Njåtun, artista Silje Halstensen (Bendik), neavttár Jørgen Evensen, realityprofiila Cristian Brennhovd ja riikkajoavkku hárjeheaddji Fritz Aanes.
Reality prográmmas ilbmá čakčat.
