-Almmuhus-
OĐĐASATTorhophøgda divvunbargu lea álggahuvvon

Torhophøgda divvunbargu lea álggahuvvon

-

-

Torhophøgda divvunbargu, fylkkaluottas 98, lea álggahuvvon dál. Čáskkahaga galget deavdit ja luotta galget nanosmahttit.

Mannan váhku álggahuvvui várremássá bávkalanbargu.

Barggus galget oažžut olggos várremássá goappašbealat geainnu.

Luoddaoassi gos galget bargat 1300 mehtera, ja bargguin galget geargam ovdal juovllaid.

Lea Mestra AS gii galgá divvut luotta. Kontrávtta árvu lea 10,4 millijovnna ruvnno.   

 

Stáda geaidnodoaimmahus 

Stáda geaidnodoaimmahus čalla sin neahttasiidui ahte luodda boahtá leat giddejuvvot kvárta, ja guhkimusat diimmu, dán botta go leat bávkaleame ja čorgeme luotta. 

Sii váldet vuhtii ruvttománni fievrrádaddiid ja heahteveahkkevuojánat besset maid vuoddjit.

Bargit barget beaivet, ja bohtet bargat čavčča badjel.

Oktiibuot galget bávkkálit 20.000 kubihkka geđggiid.

Dáiguin geđggiiguin galget deavdit Torhop-časkkáhaga.   

 

Ifjordfjellet ja Deanu šaldi

Torhophøgda divvunbargu lea oassi plánejuvvon luoddadivvumis gaskkal Idjavuonduottar ja Deanu šalddi.

Dán divvunbarggus lea sáhka 19 kilomehtera guhkkosaš luotta birra ja manná Leibošjogas Ráttovutnii.

Barggu regulerenplána evttohusain lea aitto gárvánan ja bukton ovdan.

Stáda geaidnodoaimmahus čalla jurdda lea oažžut seamma luoddastandárda go luottas mii manná Idjavuonduottar badjel. 

-Almmuhus-