-Almmuhus-
-Almmuhus-
OĐĐASAT Tina oaččui guđeža buot fágain

Tina oaččui guđeža buot fágain

-

-

Tina Elisabeth Susanne Mikalsen geargá dán giđa nuoraidskuvllas, gos oaččui buoremus árvosáni buot fágain.

Dán jagi geargá Tina Elisabeth Susanne Mikalsen Álttá nuoraidskuvllas gos son olahii 6.0 gaskamearálaš árvosátnin. Muhto álgoálggus sus ii lean mihkke mihtuid olahit dan.

– Dat ii lean vásedin mu mihtu, muhto de go lahkonišgođii skuvlajagi loahpa. Go oidnen ahte sáhtán oažžut dan, de šattai mu mihttu nagodit dan, muitala Tina Elisabeth Susanne.

Illusii

Dál illosa sihke son ja su váhnemat go oaččui nie buriid bohtosiid.

–  In dieđe maid galggan dadjat. Dat lei oba somá. Mun šadden hui ilolažžan, dadjá Tina Elisabeth Susanne. Son muitala ahte su váhnemat maid illudedje suinna fárrolaga go bohtosat bohte.

– Šattaiga hui rámisin ja ilolažžan, ja muitaleigga man buorre dat lea.

Ii nu ollu bargu astoággis

– Leat go bidjan ollu návccaid skuvlabargui astoáiggis? jearrá Ávvir.

– In leat nu ollu bargan astoáiggis. Lean čuvvon mielde diimmus ja bargan dan maid sáhtán diimmus. Dat lea buoremus vuohki leamaš munnje, vástida Tina Eliabeth Susanne.

Dál lea son ohcan oahppospesialiseremii Álttá joatkkaskuvlii, gos áigu maid bidjat liikká ollu návccaid skuvlii.

– Dieđusge áiggun bargat liikká garrasit joatkkaskuvllas. Mun geahččalan álo šaddat buoret.

- Advertisement -
-Almmuhus-