-Almmuhus-
-Almmuhus-
-Almmuhus-
OĐĐASATThon addán gievkkana Báktehárjái

Thon addán gievkkana Báktehárjái

-

-

Thon Hotel Guovdageainnus addá miljonbeale árvosaš gievkkana Guovdageainnu suohkanii. Sii leat ektudan ahte dat gievkkan galgá adnot Báktehárjjis.

Gievkkana vuostá váldit mielddisbuktá ahte suohkan ferte rievdadit gievkkanossodaga Báktehárjjis ja heivehit ođđa gievkkana dohko.

Dat einnostuvvo máksit 1,5 miljovnna.

 

Gásabohttalat gievkkanis

Anton Dahl čujuhii dasa ahte go heajaid dollet Báktehárjjis, de lea dávjá vuoššame biđđosa gásain, go doppe ii leat albma gievkkan.

Dahl logai dat ii leat nu buorre go dievva gásabohttalat leat gievkkanis, mat eai leat dasa dohkkehuvvon, seammás go leat guossit hálla dievva, heajain.

Son ávžžuhii ahte suohkanstivra luvve ruđa vai sáhttet gievkkana váldit vuostá.

 

Áigot hukset

Hans Ole Eira (JSL) evttohii ahte sii geavahit Báktehárjái dan mii gáibiduvvo, vai ožžot gievkkana sadjái.

Son evttohii bušeahttamuddema oktavuođas juolludit 1.5 miljovnna heivehit Báktehárjji gievkkanossodaga vai sáhttet ođđa gievkkana dohko bidjat.

Suohkanstivra dohkkehii bušeahttamuddema ovttajienalaččat.

-Almmuhus-