Dát sesoŋŋa lea Johauga maŋimuš sesoŋŋa bajimus dási valáštallamis.
Holmenkollen golbma miilasaš čuoigan lea Therese Johaug maŋimuš gilvu. Son lea almmuhan ahte heaitá elihtačuoigin.
33-jahkásaš Johaug lea 14 geardde šaddan máilmmimeašttirin ja leat 80 vuoittu oktan golbma oktiibiddjon namahusa máilmmicupas. Dán jagáš olympialaš gilvvuin Beijingas faskii son golbma golli.
– Leat ain muhtin gilvočuoigama maid galggan čađahit dán sesoŋŋas, muhto dál lea áigi guovdilastit eallima olggobeale váldovaláštallama, dadjá Johaug Norges Skiforbund preassadieđáhusas.
Almmuhan Instagramas
Son lea Instagramas almmuhan ahte heaitá. Das muittaša Johaug su vuosttaš máilmmimeašttir namahusa maid faskii 2011:s juste fal Holmenkollen golbma miilasaš gilvočuoigamis.
«Dovdo dego valáštallangierdu nohká» lea čuoigannásti čállán Instagramas.
«In háliit aitosaččat ahte mátki galgá nohkat, muhto lea áigi dasa, ja mun jáhkán dál lea áigi ahte mun barggan eará go áŋgiruššat ollesáigge čuoigin», čuožžu su Instagram:s.
(©NTB)
