-Almmuhus-
-Almmuhus-
OĐĐASAT Terrorhárjehallan Finnmárkkus ja Tromssas

Terrorhárjehallan Finnmárkkus ja Tromssas

-

-

Suodjalus ja politiijat hárjehallet terrora vuostá Nuorta-Finnmárkkus ja Tromssas.

– Leat ollu doaimmat Hámmárfeastta ja Leavnnja-báikkis, ja váldodoaimmat leat Romssas, Hámmárfeasttas ja Bánakis, muitala gulahallanráđđeaddi Romssa politiijaguovllus Anders Aspaas Altapostenii.

Álttá guovllus eai boađe olbmot mearkkašit ollu dán hárjehallamii, earret vehá luottaid alde.

 

Gemini

Hárjehallama namma lea Gemini, mas suodjalus ja politiijat hárjehallet ovttasbargat jus terrordagut dáhpáhuvvet. Hárjehallan lea juohke jagi, ja dán jagi eai leat dieđihan hárjehallama vai besset iskat man jođánit reagerejit ja movt nákcejit terrora vuostá bargat go suodjalus lea veahkkin politiijaide go dárbbašit veahki.

 

Sáhttá leat vehá riedja helikopteriin, ja sáhttet eanet vuojánat suodjalusas ja politiijain luottaid alde go dábálaččat.

Dasa lassin searvá Suodjalusdepartemeanta ja Justiisa- ja gearggusvuođadepartemeanta dán hárjehallamii. Lea suodjalusa váldokantuvrra hoavda olggobealde Bådåddjo ja politiijameašttir Romssas geat gieđahallaba hárjehallama.

 

- Advertisement -
-Almmuhus-